襯住仲有印象，要快快手寫低生細佬既過程。
因為上胎既不愉快經驗，今次醫生特別小心，每次產檢都要做胎動＋心跳測試，其實細佬一路都表現良好，不過每次係屋企一feel吾到細佬郁就會驚，會專登拍個肚，郁吓佢，但都係會吾郁，無得可擔心下，每次都係禱告，不過好神奇，每次禱告完，細佬都會郁吓，好似叫我吾駛擔心咁。
醫生話BB越大風險越大，而且細佬SIZE比Heem Heem果時大好多，因為我係順產，所以驚會難生，所以想我早少少吹生，都好既，早D出黎，吾駛日日擔心，所以最後決定38周多D就入院吹生。
2015/8/21, 中午12點幾入院，搞一輪手續，差不多2點入產房等生，吹生藥用吊鹽水方式注入，姑娘用人手將羊水拮穿，搞到周圍濕淋淋，好吾舒服，不過哩個時候，都吾理得咁多，最想就係快快開多D度數，可以快D生。
因為上次生Heem Heem都係自然生，無用無痛分免，所以今次都係諗住吾用，因為我好驚係背脊打一針的感覺，但後來緊係後悔啦 （睇埋落去知點解）。
過左2-3個鐘都未有動靜，只係開得1-2度，最大問題係BB頭仔好高，開到都未落到，哩個就係吾係自然作動生既問題。
開始痛，打止痛針，好少少，好想盡量忍，因為吾想咁快用晒D止痛方法，過多陣都會係吾掂要聞笑氣，今次好過上次，識得點樣吸同埋深呼吸，笑氣都起到作用 （上次生Heem Heem時笑氣一D用都無），好痛好痛，姑娘入黎check話仲未得，姑娘一出去吾夠5分鐘又痛，仲係痛到想生果隻，即刻叫老公再去叫姑娘，佢仲好似吾想咁快再叫，驚吾好意思，大佬，真係好痛呀，吾該快手D啦，今次真係黎料，姑娘叫我用力痾，出盡全身既力push, 吾得，再黎，再吾得，再緊，痛到頭暈眼花，聽野都好似隔著一層野咁，哩一刻，醫生話：「快D喇一bb呼吸出弱喇」，聽到你一句，出盡全身所有所有嘅力量，細佬終於出來了！
雖然早左2星期，但細佬都有7磅7安士，好犀利呀！
感謝天父，感謝天父既保守同看顧！
